للصمت آهات وآهات

 

 

ابكتب  قصة جحودك ، و صمتى من الالف لليا

 

 

ومثلك مايهم  يقرا ،،  ولا أرجي من شعوره رد

 

 

برودك مجمل القصة ، وعِندك  يا العنيدة دا

 

 

كبّرتك  و كابرتى و تكبرتى و زدتى العند

 

 

تماديتى فى أحلامك  ، و قلبتى واقع الأشيا

 

 

وصدّقتى خيالاتك  ، على حساب العقل،  و الجد

 

 

ثم  صرتى ، من غرورك  ، تحبيـن اللعب بـ أهوا

 

 

تبينا نقلب الادوار ، و تعديتى حقوق ، و حد

 

 

جحدتى ، خلقتك  انثى .. وخلطتى آآدم  بـ حواا

 

 

نسيتى ان ولي امرك رجل " و فـ بيتنا واااحد

 

 

حسبتى صمته وصبره ، وقلة قولته لك  لا

 

 

وتدليلك ، ضعف ، والا.. اظنك  تحسبينه عبد

 

 

خطاي اني تحملتك  ، صغيـرة ، ليـن عمرك  ذاا

 

 

لجل اجني ثمر حلمي ،، جحودك عشرتى والعهد

 

 

دفنتي بـ الجحود العهد على السراء و الضرا

 

 

يوم انّا .. سوا  عـ الفرح  و الاحزان نتعهد

 

 

ذبحتي بالبرود الود ، و بعتى دنيتى بسلوا

 

 

شريتى قربها بـ فرقاي ،  مختااارة قرار الصد

 

 

رحلتى ! وماهو بكيفك  .. ترى لو هو حنينك جا

 

 

تجيـن المقبرة اللى .. بها كان الهنا و السعد

 

 

زمام الامر من يدّي . . فلت ، لحظة عنااادك  شاء

 

 

و العبرات ..  ابد ما ترجع  لعيـنٍ  قد عـطتها الخد

 

 

سنيـن الصفح ، والذكرى  بعد عِندك ، وما سوّا

 

 

بها افكارك بتشقا  وعندى مستريحة بلحد

 

 

شملها الموت ، و الميت .. ابد ماا يرجع الدنياا

 

 

و بيت الطيـن ماياقف بروحه لو يصيبه الهد

 

 

صدق ظن التشاؤم فيك  ، و جد بهقوته اقدا

 

 

بعضهم  مهما اكرمته ، محال الظهر به  ينشد

 

 

ضحك  سن العذول  وشد لكل حسادي، والاعدا  

 

 

ركايب تنشر البشرا  وتهنيهم على ذا البعد

 

 

طبيعي ماا وصلنا له ، ، و لولاا حلمي .. مااا ابطا

 

 

 

كثير الباال طوّلته ، و لا طلنا عذر  ،، او  وعد

 

 

ظلمت الذات .. بالآهاات ، مثل نافخ  بـ فم قربا

 

 

و هي فى الاصل مخروقه ،، خروق ٍ ما جمعها العد

 

 

عرفتى للاسف حتى . . تخليـن الضنا . . يجفا

 

 

وجرحتينى .. على لسانه ؟ جبانة خايفة من رد

 

 

غبية ، لو تظنيني  بعد كل الجحود  انسى

 

 

ولو بنسى ، ابد ماانسى .. بأنك مدرسة للحقد

 

 

فشلتى ، والسبب خطة ، عقيمة، كلها اخطا

 

 

و غفلتى  إن ابومحمد .. ( شوارب ما لوت له يد )

 

 

قضيتى عـالوفا والود، وبديتى رحلة الفرقا

 

 

سعيدة جعلها الرحلة ، ذهاب ٍ ، ما نبي له رد

 

 

كبرتى ثم تكابرتى وتكبرتى على العشرا

 

 

اصيلة كنت انا اظنك  وصرت ِ بالجحود الضد

 

 

لقيتك بعد هالقصة سرابٍ  للي ما يظما

 

 

قضية حكمها نصه / تعال الحيـن و اتشهد

 

 

محيتى صورتك بإيدك وكسرتى جرّة الفرقا

 

 

و لك  بكرة العنا كله.. و ملامح محتويها برد

 

 

نهاية قصتك موتك وانا لو لي عمر بحيا

 

 

وتجيك بطاقة الدعوى ، بها المعرس : ابو محمد

 

 

هدية عرسه الليله ، لك مع وردةٍ حمرا

 

 

و بخط اليد كاتب لك ( انا كلي حياة ، و  وجد )

 

 

و أحب اعيش فى راحة ، بلا دجّة ولا لجّا

 

 

و لقيت اللي تلملمنى ، و تسقينى بهدوء الشهد

 

 

يقولون العقل نعمة و جد ان الجنون احلا

 

 

وانا جامع لهالثنتيـن  وهذاهو الشوك معاه الورد

 

 

 

 

 

 

 

 

 

الكلمات من خاطرتى
سمــــــــــاء بــلااا حــــــــــــــدود

و خاطرتى
و بعد ازود / وحشتيني

و خاطرتى
ليل انتظارى


والثلاث خواطر مع اخريات تجدونها ضمن
القائمة الجانبية
من خواطري

كرما ً لا امرا ً

رشح المساحة فى كل زيارة

1

لسباق المساحات العربية

بالضغط على الصورة






2